Ambarish Sridharanarayanan

Personal website + blog of Ambarish Sridharanarayanan.

வேற்றுமையுருபுகள் அவத்தம்

ambarishsanskrit, dravidian languages

இலக்கணம் பயிலும்பொழுது எட்டு வேற்றுமையுருபுகள், அதாவது ஐ ஆல் ஓடு உடன் முதலியன, பயின்றேன். சில ஆண்டாக வடமொழி கற்கிறேன். வடமொழியிலும் வேற்றுமையுருபுகள் உள்ளன. மொழியை விளக்க இலக்கணம் எனில், வடமொழியில் பெயர்ச்சொற்களை விளக்க வேற்றுமையுருபுகள் இன்றியமையாதவை. உரையிலோ செய்யுளிலோ பெயர்ச்சொல்லது முடிவில் வரும் பிற்சேர்க்கைகள் எட்டே. அவ்வெட்டது மூலம் பெயர்ச்சொல் எல்லாமே எட்டாக வேறுபடும். இப்பிற்சேர்க்கைதான் வேறுபாட்டது உருபகளென கருதப்படுகின்றன.

அம்மொழி சொல்லச்சொல்ல, தமிழைப்பற்றித் தோன்றியது. வேற்றுமைகள் எவ்வளவு வடமொழியிற்கு பொருந்தியவையோ, அவ்வளவு தமிழிற்கு பொருந்தாதவையென தோன்றிற்று. சிறிது ஆராய்ந்தேன். என்னவென்றால், தமிழ் இலக்கணம் எழுதிய அகத்தியர் முதலானோர் அனைவரும் வடமொழி இலக்கணம் அறிந்தோர். அவ்விலக்கணத்தின் விதிமுறை கண்டு அவற்றை தமிழிலக்கணத்துள் திணித்துள்ளனர். இதனை ஆங்கிலத்தில் பற்பல எடுத்துக்காட்டுடனும் சான்றுடனும் அருமையாக கூறுகிறார் ஆரொலுறு சிப்புமன் முனைவர்.